Өнөө цагт бид
улам том байшинтай хэрнээ жижиг гэр бүлтэй, илүү тав тухтай боловч амрах цаг зав багатай,
олон эрдмийн зэрэг цолтой боловч наад захын мэдлэггүй, өргөн мэдлэгтэй боловч бага бодолтой,
олон экспертүүдтэй боловч олон асуудлуудтай, илүү анагаах ухаанжиж байгаа боловч илүү их өвчин зовлонтой болжээ.

Бид аливаад хөнгөн хуумгай хандаж, бага инээж, хурдтай давхиж, түргэн уурлаж, оройтож унтаж, өглөө босохдоо ядарсан сэрж, бага уншиж, зурагт их үзэж, бурханд цөөн залбирах юм.

Өөрийгөө хүрээлэх эд хогшлоо нэмэгдүүлэх хэрнээ үнэт зүйлсээ бууруулж, их ярьж, бага хайрлаж, худал хэлэх нь олширчээ.

Яаж амьдрахыг судалдаг хэрнээ амьдралыг судалдаггүй, он жилүүдээ амьдралд зориулах хэрнээ амьдралаа он жилүүдэд зориулдаггүй,

урт өндөр барилгатай ч богино ухаантай, өргөн уудам хурдны замтай ч явцуу нарийн үзэл бодолтой,

их үрж, бага бүтээж; худалдан авах зүйлс олширсон ч, түүнээсээ авах ханамж багасчээ.

Саран дээр хүртэл очиж чадаж байгаа хэрнээ эсрэг гудамжиндаа байх хөршийнхөөрөө очиж чаддаггүй,

гадаад ертөнцийг эзэмшиж чадсан хэрнээ дотоод ертөнцөө эзэмдэж чаддаггүй,

атомыг задалж чадсан хэрнээ, мухар заншлаа задалж чадаагүй л байна.

Их бичдэг хэрнээ бага судалдаг, их төлөвлөх хэрнээ түүнийгээ биелүүлдэггүй,

яарч адгаж чаддаг хэрнээ хүлээж чаддаггүй, орлого нэмэгдэхийн хэрээр ёс суртахууны дутагдалд орж,

мэдээллийг хадгалах, олон хувь тараах гэж өчнөөн компьютер үйлдвэрлэх тусам хүн хоорондын харилцаа багасаж, Чанарт биш, тоо хэмжээнд анхаарах нь ихэсчээ.

Түргэн хоол нэмэгдсэн ч шингэлт нь удааширч, бие өсөх болсон ч ухаан богиносч, ашиг орлого зузаарсан ч харилцаа гүехэн болж,

зав чөлөө ихтэй ч баясаж цэнгэх нь бага, Олон нэр төрлийн хоолтой ч тэжээл болох нь бага, Хоёр орлоготой ч салах нь их, Гоёмсог байшинд амьдардаг ч гэр бүлийн амьдрал муудаж хэврэгшсэн болжээ.

Чухам ийм учраас, өнөөдөр, би танд “Ямар нэгэн чухал хэрэгцээ гарахаар нь хэрэглэнэ гэж битгий хадгалаарай” гэж хэлэхийг зорьсон юм. Учир нь таны амьдралын өдөр бүхэн чинь чухал юм шүү.

Мэдлэгийг эрж хай, их унш, өөрийнхөө өөдөөс харж суугаад хэрэгцээндээ санаа зовдог байдлаасаа сал.

Гэр бүл, найз нөхөдтэйгээ хамт байх цагийг өөрөөсөө бүү харамла. Дуртай хоолоо ид, очихыг хүсдэг газраа оч. Амьдрал гэдэг бол аз жаргалтай мөчүүдийн хэлхээс болохоос амьд явах гэсэн тэмцэл биш юм.

Болор хундагаа хагалчих вий гэж эмээлгүй хэрэглэ. Үнэтэй үнэртэй усаа дуусчих вий гэж айлгүй цац. Хэрэглэмээр санагдсан үедээ хүссэн зүйлээ хэрэглэж бай.

Үгсийн сангаасаа “Аль нэг өдөр”, “Заримдаа” гэсэн үгсийг хасаж хаяцгаая. Найз нөхөд, гэр бүлийнхэндээ хичнээн хайртайгаа илэрхийлцгээе. Амьдралд инээд хөөр, баяр баясгалан нэмдэг зүйлсээ хойшлуулахаа больцгооё.

Өдөр бүр, цаг бүр, мөч бүр чухал. Магадгүй таны сүүлчийнх байхыг хэн ч мэдэхгүй.

Хэрэв та энэ линкийг дотны хүмүүстээ явуулах ч завгүй байгаа бол, хэрэв “Аль нэг өдөр” явуулчихна даа гэж бодож байгаа бол… Таны бодоод байгаа “аль нэг өдөр” та байхгүй болчихсон байвал яана аа … гэж нэг бодож үзээрэй.

Харин үнэхээр хувь хүн мөн эсэхийг нь тодорхойлдог хэдэн шинжүүд бий. Танд эдгээр шинжүүд бий юу?

• Би өөрийн гэсэн үзэл бодол, үнэлэмжтэй бөгөөд өөрөө өөрийнхөө өмнө хариуцлага хүлээж чадна.
• Би буруу зүйлийнхээ төлөө бусдаас уучлал гуйж, бусдын өмнө хариуцлага хүлээж чадна.
• Би бие даан сэтгэн бодож, бие даан шийдвэр гаргаж чадна.
• Би буруу бодож, санаж байсан бол өөртөө болон бусдын өмнө буулт хийж бодол, санаагаа өөрчилж чадна.
• Би алдаа гаргаж болох боловч гаргасан алдааныхаа төлөө хариуцлага хүлээж чадна.  
• Би үнэхээр мэдэхгүй зүйл дээрээ “мэдэхгүй” гэж хариулж чадна. Энэ нь “мэддэг” гэж худлаа хэлээд алдаа гаргахаас хавьгүй дээр.
• Би бусдаас хараат бус байж, өөрийнхөө итгэл үнэмшилд хөтлөгдөж чадна.
• Би логикт баригдалгүйгээр, эрс шийдэмгий алхам хийж чадна.

Би бусдад “Би чамайг ойлгохгүй байна” гэж хэлж чадна. Энэ нь илүү сайн ойлголцоход хамгийн хэрэгтэй.

Тусгай зөвшөөрөл гэж юу вэ?

Тусгай зөвшөөрөл гэж юу вэ?

"Аж ахуйн үйл ажиллагааны тусгай зөвшөөрөл" /цаашид "тусгай зөвшөөрөл" гэх/ - гэж тодорхой төрлийн аж ахуйн үйл ажилллагааг тогтоосон хугацаа , нөхцөл, шаардлагын дагуу эрхлэн явуулах эрхийг иргэн, ашгийн ба ашгийн бус хуулийн этгээдэд эрх бүхий байгууллагаас олгосон албан ёсны баримт бичгийг тусгай зөвшөөрөл гэнэ.

"Тусгай зөвшөөрөл эзэмшигч" гэж тодорхой төрлийн үйл ажиллагаа эрхлэхээр эрх бүхий байгууллагаас тусгай зөвшөөрөл авсан этгээдийг хэлнэ.

Тусгай зөвшөөрөл олгох дараалал

1. Тусгай зөвшөөрөлийг хүсэгч дараах бичиг баримтыг бүрдүүлнэ. -Тусгай зөвшөөрөл хүссэн өргөдөл/Эрхлэх үйл ажиллагааны төрөл, оршин байрлах хаяг, харилцах утсаа тодорхой дурьдах / -Улсын бүртгэлийн гэрчилгээний хуулбар -Мэргэжлимйн хяналтын газрын дүгнэлт /Ажлын байрны дүгнэлтийг стандартын үзүүлэлтийн дагуу баталгаажуулсан байна /
2. Өргөдөлийг хүлээн авсанаас хойш тусгай зөвшөөрөлийн нөхцөл шаардлагыг биелүүлж байгаад зохих хяналтыг хийж тусгай зөвшөөрөлийг олгох эсэх тухай асуудлыг ажлын 21 хоногийн дотор шийдвэрлэнэ. Тусгай зөвшөөрөлийг олгосон аж ахуй нэгжийн нэрсийг ерөнхий менежерээр баталгаажуулсаны дараа олгоно. Тусгай зөвшөөрөлийг олгохоос татгалзсан бол үндэслэлийг зааж бичгээр хариуг өгнө.
3. Тусгай зөвшөөрөлийг хуулинд заасан хугацаанд сунгалт хийнэ.
4. Тусгай зөвшөөрөлийн нөхцөл шаардлагыг биелүүлж байгаад хяналт тавьж зөвшөөрөлийг түтгэлзүүлэх, хүчингүй болгох, сэргээх ажлыг тухай бүр гүйцэтгэх болно.
5. Тусгай зөвшөөрөлийг хүчингүй болгосон тухай шийдвэрийн талаар эзэмшигч болон харьяалах хяналтын байгууллага, татварын албанд бичгээр мэдэгдэж жагсаалтыг хүргүүлдэг.
6. НИТХ-ын "Согтууруулах ундаа худалдах түүгээр үйлчлэх Тусгай зөвшөөрөл олгох, хяналт тавих журам " -аар дараах зүйлийг зохицуулж байна. -Yйлчилгээний газруудын цагийн хуваарийг тогтоон өгч, тогтоосон цагийн хуваарийг зөрчиж согтууруулах ундаа худалдах, түүгээр үйлчилгээ явуулахгүй байх -Хүнсний дэлгүүрт бүх төрлийн архи, дарс, шар айргийг дахин савлах буюу аягалж хундгалан худалдаалах -Хоолны газар ялангуяа баранд хоол халуун хүйтэн зууш ундаагүйгээр согтууруулах ундаагаар үйлчлэх -Тусгай зөвшөөрөл бүхий бөөний худалдааны төв, хүнснйи дэлгүүр нь согтууруулах ундааг худалдаалж буй хүнснйи барааны нийт үнийн дүнгийн 25% аас хэтрүүлэхгүй байх -Согтууруулах ундаа худалдах түүгээр үйлчлэхийг хориглосон байршил /Хүүхдийн цэцэрлэг, сургууль, оюутан сурагчдын байр, клиник эмнэлэг ,хүүхдийн байгууллагын байр, шатахуун түгээх станцын байр, орон сууцны суурийн давхар, түргэн үйлчилгээний цэг, мухлаг, павилон, түрээсийн лангуу гэх мэт

  Хөгшин болсон барилгачин тэтгэвэртээ гарахыг хүсч, эзэндээ энэ тухайгаа хэлэв: “Би хөгширч, нас минь явж, бие маань ч дийлэхээ болилоо. Одоо тэтгэвэртээ гарч, амар тайван амьдармаар байна” гэжээ. Эзэн нь “Тан шиг сайн ажилтнаа явуулахад харамсалтай байна” гээд сүүлчийн удаа ганцхан байшин барьж өгөхийг хувийн зүгээс хүсчээ.

Барилгачин “За” гэсэн боловч сэтгэл гаргасангүй. Тэрээр муухан материал ашиглаж, ур хийц муутай, чанаргүй байшин барив. Тэр үнэхээр сэтгэлээсээ хандсангүй, “барьж өгсөн” гэсэн нэр зүүгээд хурдхан амрахыг л хүсч байлаа.

Ингээд барьж дуусаад байшинг даргадаа хүлээлгэн өгөв. Дарга нь байшингийн түлхүүрийг барилгачны гарт атгуулаад “Энэ бол таны байшин. Миний танд өгч буй бэлэг” гэв. Барилгачин шоконд оров. “Ямар ичмээр юм бэ? Надад өгөхийг нь мэдсэн бол эхнээс нь сайн байшин барих байж дээ” гэж гаслалаа...  

Бид өөрсдийнхөө амьдралыг өдөр тутам, цаг тутам барьж, босгож, бүтээж байдаг. Эцсийн дүндээ бид өөрсдийнхөө босгосон тэр л “байшин”-д амьдардаг. Сэтгэл, зүтгэл гаргавал сайхан байшинд амьдарна, сэтгэлгүй хандвал муухан оромжинд амьдарна... 

Харамсалтай нь цаг хугацааг буцааж болдоггүй. Та бол амьдралынхаа барилгачин. Ганц хадаас хадах, хана босгох, цонх шиллэхдээ хүртэл та амьдралаа босгож байгаа.
Таны өнөөдрийн гаргаж буй хандлага, сонголтууд бол таны маргаашийн амьдрал. Тэгэхээр амьдралдаа ухаантайхан хандаж, сайн сайхан барилга барьцгаая.

                 А.Тоффлерын “Эрх мэдлийн шилжилт” (Power Shift) номонд бичсэнээр гүн гүнзгий бөгөөд олон талын мэдлэгийн тусламжтайгаар л хүн аливаа асуудлуудыг шийдэж чадах бөгөөд ийм хэлбэрээр эрх мэдэлд хүрэх боломжтой гэнэ. Мэдлэг бол эрх мэдлийг жинхэнэ утгаар нь авчирдаг.
             Эрх мэдэлд хүрэх 3 арга замаас /хүч чадал, эд баялаг, мэдлэг/ зөвхөн мэдлэг нь хуваарилагдахдаа харьцангуй ярвигтай. Гэтэл мэдлэгийн дахин хуваарилалт нь /ялангуяа мэдлэгийн талаарх мэдлэг/ нөгөө хоёроосоо хамаагүй илүү чухал. Мэдлэгийн хуваарилалтын тусламжтайгаар хүч чадал, баялаг хуваарилагддаг. Огт хуваарилагдаагүй буюу хэт их төвлөрсөн эрх мэдэл ямагт аюул дагуулж байдаг. Өнгөрсөн зуунд материаллаг баялагийн талаарх үнэлэмж өөрчлөгдсөнөөс шалтгаалаад мэдлэгийн үүрэг нэлээд өөрчлөгдсөн билээ. Мэдлэгийн ачаар эрх мэдлийн бүхий л түвшний өөрчлөлт бий болдог. Энэ нь улс орнуудын гадаад харилцаа, улс төр, бизнесийн харилцаанд бүр илүү тод томруун илэрч, ер нь тэр чигтээ дэлхий дахины эрх мэдлийн системийг нь өөрчилсөн юм.
Мэдлэг, эд баялаг болон хүч чадал бол эрх мэдэлд хүрэх үндсэн 3 хүчин зүйл хэвээр байх нь тодорхой. Гэхдээ одоо орчин үед эдгээрийн чанарын тухай асуудал яригдах болсон.

Хүч чадал
Бүдүүлэг, муйхар хар хүчийн илрэл нь түүний ямар ч уян хатан бус байдлаар илэрдэг. Хүчирхийлэл нь үргэлж эсэргүүцлийг дагуулж байдаг бөгөөд эрх мэдлийг эзэмшиж буй хүмүүс үүний эсрэг  үргэлж хариу цохилт өгөх тохиромжтой мөчийг хүлээж байдаг. Тиймээс хүч чадлыг “чанаргүй” эрх мэдэл гэж ойлгож болно.
Эд баялаг
Баялаг бол эрх мэдлийг бий болгох харьцангуй хялбар бөгөөд тохиромжтой хүчин зүйлийн нэг. Ямар нэгэн хүчирхийлэл, хүч хэрэглэх аргын оронд эд баялагийг шагнал, урамшуулал гэх зэрэг эерэг хэлбэрээр ашиглаж болно. Тиймээс эд баялагийг “дунд зэргийн”  чанартай эрх мэдлийн эх үүсвэр гэж ойлгож болох нь.
Мэдлэг
Харин хамгийн чанартай бөгөөд найдвартай эрх мэдлийн эх үүсвэр бол мэдлэг. Нэгэнт мэдлэг, мэдээллийг эзэмшиж буй хүн зорилгодоо хамгийн бага зардлаар хүрч болдог, хамгийн үр ашигтай зүйл. Мэдлэгтэй учраас эрх мэдлийг эзэмшиж буй хүнээр дахин шинэ шинэ боломжуудыг бий болгож болно. Өөрөөр хэлбэл мэдлэг нь баялаг, хүч чадал гэсэн бусад хоёр эх үүсвэрээ дахин  баяжуулах, олшруулах зүйл нь ч болж чадна. Баялаг ч бай, хүч чадал ч бай мэдлэгээс л хамаардаг.
Хүч чадлыг ашиглах нь маш хязгаарлагдмал гэдгийг та бид мэднэ.  Эсвэл ямар нэгэн зүйлд хүч хэрэглэнэ, эсвэл ямар нэгэн хүчирхийллээс хамгаалахад л хүч чадлыг ашигладаг. Эд баялаг ч мөн адил. Бүх зүйлийг мөнгөөр худалдаж авч болдоггүй шүү дээ. Харин мэдлэг бол огт өөр. Хэзээ ч дуусдаггүй, хэрэглэх тусам багасдаггүй, харин нэмэгддэг, мөн хэдий чинээ бусдад өгнө, төдий чинээ нийт эзлэх хэмжээ нь нэмэгдээд л байдаг.
Хүч чадал болон баялаг нь зөвхөн хүчтэй хүмүүст олддог. Харин мэдлэгийг ядуу, хүч чадалгүй хүмүүс ч эзэмшиж, олж авч болно. Энэ бол “мэдээллийн” хэмээн тодотгож буй энэ эрин үеийн  хамгийн чухал зүйлсийн нэг. Дээр өгүүлснээр мэдлэг бол эрх мэдлийг олж авах хамгийн ардчилсан арга.
А.Тоффлер СССР болон Зүүн Европын орнуудын задрал, мөхлийг энэхүү эрх мэдлийн гурвал талаас нь харж тайлбарлажээ. Түүний өгүүлснээр эдгээр орнуудын задрал, мөхөл, системийн хямрал нь ямар нэгэн тохиолдлын зүйл биш. Социализм хөгжлийнхөө явцад дүрэм журам, хуулийг нь огт мэдэхгүй тийм ирээдүйтэй тулгарсан. Яагаад гэвэл социализм нь мэдлэгийн талаар маш буруу ойлголт, хуучирсан үзэлтэй байсан. Социализм хувь хүний оюуны эрх чөлөөг боогдуулж, нэг ижил хайрцагнуудад хүчээр хайр­цаг­лаж байсан учраас эцсийн дүндээ улс ор­ныг эрх чөлөөт, чинээлэг нийгэмд хүр­гэж чадалгүй харин аварга том нэг Нам-Улсын тогтолцоонд авчирсан. Бусад бүх хүмүүс удирдагчийн сэтгэж байгаа шиг сэтгэж, түүний мэддэгээс өөрийг мэ­дэж болохгүй гэж үзсэнээс мэдлэгийг ерөөс үнэлээгүй. Гэтэл энэхүү хаалт түг­жээ нь эдийн засгийн хөгжлийг удааш­руулж, бүр үйлдвэрийн турба хийхэд хүр­тэл нө­лөөл­сөн гэдгийг бид мэднэ. Социалист орнууд яг нэгэн хэвийн турба үйлдвэрлэж байх хоо­ронд бусад орны инженерүүд ком­пьютер, мэдээллийн технологи, шинэ сис­темд хэрэгтэй зүйлсийг үйлдвэрлэж байсан.
Эрх мэдлийн шилжилтийн гол зар­чим бол зөвхөн “эрх мэдлийн тэнцвэр”-ийн тухай хөндөөд зогсохгүй “тэнц­вэрийн эрх мэдэл”-ийн тухай хөндсөн буюу Тоффлер дараах дүгнэлт хийсэн:
Эрх мэдэл бол Хүч чадал-Эд баялаг-Мэдлэг гэсэн 3 хүчин зүйл дээр төвлөрч оршин тогтнох учир эдгээрийн балансыг хангах ёстой. Тухайлбал, хүйтэн дайны үед АНУ-ын эрх мэдэл эдгээр 3-таа ху­ваарилагдаж чадсан. Хамгийн хүчтэй цэ­рэг зэвсэгтэй, нөгөө талаас эдийн засаг нь дэлхийд маш нөлөөтэй, хүчирхэг бай­сан. Мөн хамгийн сайн мэдлэгтэй буюу шинжлэх ухааны томоохон нээлт, олол­туудыг АНУ л хийж байсан. Харин СССР бол эрх мэдэл нь төвлөрчихсөн, ямар ч балансгүй. Эдийн засаг нь дэл­хийн эдийн засагтай ямар ч холбоогүй, ямар ч нөлөөгүй, хэдийгээр шинжлэх ухаа­ны тодорхой салбаруудад, ялангуяа цэр­­гийн салбарт маш амжилттай ажил­лаж, ололт олж байсан ч шинжлэх ухааны бу­сад салбартаа шинэч­лэл, хөрөнгө оруу­­лалт хийгээгүй. Зөвхөн цэрэг, зэвсэг­лэл­­дээ анхаарч, харилцаа, холбоо, мэ­дээл­­лийн салбараа хатуу гараар хянаж байсан.
Тоффлерын энэхүү макро дүгнэлтүүд нь юуг өгүүлнэ вэ?
Үүнийг хувь хүн дээр буулгахад ч гэсэн болж байна. Мэдлэг бол эрх мэдэлтэй, хүчтэй, нөлөөтэй байхын хамгийн чухал эх үүсвэр, арга зам. Ялангуяа мэдээллийн, мэдлэгийн энэ эрин зуунд хүчтэй, мөнгөтэй нь биш, харин мэдлэгтэй, мэдээлэлтэй нь хөгжих боломж хэдийнэ нээгджээ.

         Сурах хүсэл эрмэлзэлтэй, авъяаслаг залууст Эх орондоо тэтгэлэгээр сурах боломж нээлттэй байна. Та бүхэн гагцхүү эх орондоо шаардлагатай байгаа мэргэжлийг сонгож сайн сурах л хэрэгтэй. Ингээд дотооддоо сурах тэтгэлэг олгодог компаниудыг оюутан танд танилцуулж байна...

"ЗОРИГ" САН ОЮУТНЫ ТЭТГЭЛЭГТ ХӨТӨЛБӨР

Зориг сан нь анх 2005 оноос Швейцарийн Хөгжлийн Агентлагтай/ЗОС/ хамтран Дотооддоо Тэтгэлгээр сурах хөтөлбөрийгзохионбайгуулжбайгаа. Энэ хөтөлбөрийнзорилгоньсурлагынамжилт, нийгмийн идэвхи зүтгэлээр тэргүүлж буй хэдий ч санхүүгийн тодорхой хүндрэлтэй байгаа оюутнуудыг урамшуулах, тэдний нийгмийн амьдарлын идэвх оролцоог дээшлүүлэх зорилготой. Уг хөтөлбөрт хамрагдах шалгуур нь:

- Дотоодын  их дээд  сургуулийн  2 болон   түүнээс  дээш   курсийн   үндсэн ангид суралцаж байгаа

-  Гэр  бүл  нь амьжиргааны  батал-гаажих түвшингөөс доогуур

- Сурлагын голч оноо 3.2 ба түүнээс дээш байх

- Оюутан залуучуудын дунд зохиогд-дог нийгмийн аливаа үйл ажиллагаанд манлайлан   оролцдог,    идэвхтэй   байх хэрэгтэй  юм.  Мөн хөдөө орон  нутгийн болон  хот  суурин   газрын  амжиргааны түвшинөөс доогуур өрхийн хүүхдүүдийг түлхүү харгалзаж үздэг. Энэ хөтөлбөрт өөр эх үүсвэрээс тэтгэлэг авч буй оюутан хамрагдах эрхгүй юм байна.

Энэхүү тэтгэлэгт хөтөлбөрийн талаар дэлгэрэнгүй мэдээлэл авахыг хүсвэл ммуу.гопдТоипйайоп.тп.огд вэб хаягаар сонирхож болох юм байна.

"моннис" компании "ирээдүйн манлайлагч " тэтгэлэгт хөтөлбөр

2007 оны 7-р сараас эхлэн анх удаа зохион байгуулж байгаа энэхүү тэтгэлэгт хөтөлбөр нь дотоодын их дээд сургуулийн өдрийн ангид элсэн орох, шаардалагатай байгаа мэргэжлээр суралцах гэж буй хэдий ч санхүүгийн тодорхой     бэрхшээлтэй,     хүндрэлтэй байгаа оюутнуудыг урамшуулж дэмжих зориулалттай юм. Энэ хөтөлбөрийн онцлогньшалгарсансургалтынтөлбөрөөс гадна тус компанид дадлагжих, улмаар өөрийн аймагтаа ажлын байраар хангаж өгдөг.

Хөтөлбөрт хамрагдах хүсэлтэй оюутанд тавигдах шаардлага:

-  Нийт цуглуулах кредитийн 75%-ийн цуглуулсан байх

-  Сургуулийн үнэлгээний системээс хамаарчсурлагын голчдүн4.0сургуулийн оюутнууд 3.0 дээш, 100%-ийн үнэлгээтэй сургуулийнх 85%-аас дээш байх

-  Оюутны     эрдэм     шинжилгээний ажилд  тодорхой   амжилттай   оролцсон байх

- Аль   нэг   гадаад   хэлийг   ахисан түвшинд эзэмшсэн байх

-  Нийгэм, олон нийтийн ажил, урлаг спортын тэмцээн, олимпиад болон бусад арга хэмжээнд амжилттай орлцсон байх гэсэн шалгууруудыгтавьдаг.

"Ирээдүйн манлайлагч" тэтгэлэгт механикинженер, мэдээллийнтехнологи, эдийн засаг, гадаад маркетингийн чиглэлээр бакалаврын зэргээр 3, 4-р курсэд сурж байгаа оюутнууд хамрагдах эрхтэй. Энэ хөтөлбөрийн талаар дэлгэрэнгүй  мэдээлэл авахыг хүсвэл 311687, 318283, 318284 гэсэн утсаар болон у\лллллтоптз. сот гэсэн хаягаар хүссэн мэдээллээ авч болох юм.

"ГОЛОМТ" БАНКНЫ СУРГАЛТЫН ТЭТГЭЛЭГ

Монголд анх удаа санаачлан хэрэгжүүлж эхэлсэн Толомт" банкны нэрэмжит тэтгэлэг энэ жил 4 дэх жилдээ зохион байгуулагдсан юм. Тэтгэлэгт энэ жил Улаанбаатар хот, Орхон-Уул, Дархан Уул, Дорнод аймгаас нийт 58 их, дээд сургуулийн 315 оюутан материалаа ирүүлсэнээс 72 оюутан шалгарч, мөн өнгөрсөн жил тэтгэлэгт хамрагдсан оюутнуудаас 28 оюутан сурлагын үнэлгээгээ хэвээр хадгалж, урьд гаргасан амжилтаа бататган, үргэлжлүүлж тэтгэлэгт хамрагдах болзолыг хангажээ. Энэ жил нийт 100 оюутан тэтгэлэгт хөтөлбөрт хамрагдсан байна.

Илүү дэлгэрэнгүй мэдээлийг та бүхэн 311971 утсаар болон www.golomtbankt.mn хаягаар сонирхож болох юм.

Мөн МАСЗХолбооноос Д.Сүхбаа-тарын нэрэмжит тэтгэлзгийг олгодог. Энэхүү    тэтгэлэгт хөтөлбөрөөс гадна Монголын зарим банк сурргалтын зээлийг олгодог.